場地佈置

由於選用的酒樓無包西式佈置，要另外找場地佈置公司。我地都好鍾意個酒樓場地，因為樓底夠高，影相影得好舒適。講返找場地佈置公司，係婚展見到好多真係花多眼亂，最弊係呢d野好講求口碑，又好難睇都真實樣板（雖然無真實樣板睇，但如果間公司開得耐，都可以叫佢地show返之前係相同或相似場地佈置的相，有時可以睇得出佢地可以整到什麼效果同埋點樣同個場地配合，因為不同場地有時可以差很遠。另外，不同的套餐包含的布景／裝飾亦相當不同，因此適宜叫有關公司俾多些樣板相片睇下）

最後，因為搞結婚期間去左朋友的婚宴，見到場地佈置簡單而美觀，所以問左佢介紹佈置公司。結果又真係整得幾好，值得一讚！