日常生活 - 享受篇

自已有頭家後,時間少左,因為家務多左.
有些真係需要用一些享受的電器,例如電視機,冷氣機,抽濕機,雪櫃,吸塵機等等.

<首次發佈: 2016年6月12日>
<第一次更新: 2016年8月17日>
<第二次更新: 2016年9月3日>

電視機

自從全高清電視機流行之後,曾經流行過3D電視,近年又轉為流行4K電視. 不過現時的主流電視台其實未支持3D/4K廣播,藍光影片機現在亦只有部份支持3D,支持4K的更為罕見. 上網看4K影片(youtube有不少)亦隨時動輒要10-20Mbps上網速度, 所以50寸以下買回全高清電視仍是常見.

選購電視機時,可能你會發現現在有不少電視自稱係Smart TV,可以安裝不同的Apps又或者可以上網睇片. 不過,實際係咪真係咁好用呢? 我想按remote慢慢用apps的功能其實未必容易. 更簡單而又平平地的方法,其實可以考慮買一些wifi display receiver的手指, 其中一個較著名的稱為EZCast. 這類手指可以接收手機轉播的視頻信號(稱為DLNA(Android)或Airplay(iPhone)模式)，又或者將整個手機畫面經手指投映到電視內(稱為Miracast/Screen Mirroring(Android)或Airplay Mirroring(iPhone)). 這類手指分為單頻(WIFI 2.4GHZ適用)同雙頻(WIFI 2.4GHZ/5GHZ適用),前者最平的版本在香港的腦場$200唔駛,後者就$300唔駛. 依家較新的手指,前後者一樣支持1080p全高清播放,而且亦相當流暢.  呢類手指透過HDMI插口接駁到電視,另外要USB供電. 此外,用這類手指要接駁WIFI信號,第一次用亦要按說明書設定一下WIFI密碼,設定完之後,平時用就非常簡單.

最意想不到係我買的無牌手指,都有定期firmware更新(因為iPhone的airplay係專利格式,apple曾試過在iOS更新時大輻修改播放模式,導致舊有型號用不到). 如果想方便用呢類手指,記緊買電視時盡量買有多幾個usb/hdmi插口的型號. 另外,由於呢類手指並非原廠產品(apple原廠有推出AppleTV,Google原廠有推出google chromecast),有些影片未必播到. 個人實測Moliplayer 軟件的播放功能相當強勁,原裝browser airplay播不到的影片亦可以投映得到.

冷氣機

裝冷氣,一般先看想裝窗口式,定係分體式冷氣機,很多時亦受制於屋苑的設計. 雖然初階型號兩者買機費用相若,但安裝費就差很遠. 前者一般較嘈,後者較為靜兼可以控制出風位置.

如果選擇購買窗口機,一般因應房間大小及會否西斜/頂樓,就可以睇牌子及睇功能買機. 除非屋苑的窗台位相當特別,否則一般標準機都可以輕鬆安裝.

如果選擇買分體機,就多好多野考慮. 早幾年流行的窗口式分體機(外置冷氣機的大小與窗口機相若),已漸漸被纖巧型分體機(外置冷氣機的高度較正常分體機低,可以放在窗台位,亦可以掛在窗架)取代. 現時分體機有分為定頻機及變頻機,暫時香港窗口機/窗口分體機只得定頻設計,而分體機變頻設計已開始成主流. 根據網上的經驗分享,定頻機一般較快冷兼耐用,但容易溫度時高時低,耗電較高. 變頻機就溫度較穩定兼慳電,但相同匹數下一般較耐及較大風下才夠冷.因此,有人建議買變頻機要大半匹.

另外,裝分體冷氣要留意屋苑或上手業主可能已設定好分體冷氣室外機的擺放位置,以及相關的管道.若要更換有關冷氣,需留意舊冷氣的型號(用作參考相關的匹數及大小)及使用的雪種(舊式R22雪種使用的管道不適合用新的R410A雪種). 然後就是選定去邊度買,跟著找冷氣師父上來睇位.

睇位的時候,除了要睇報價抵唔抵之外,亦有一些東西會影響冷氣機的選購及安裝. 包括:
1) 房間大小 (越大越高匹數,有些型號吹風距離較遠,兼且較闊)
2) 有無西斜/是否頂樓/開放式廚房 (如是就要大些匹數)
3) 樓底高度 (一般越高匹數越大)
4) 候管位置 (呢樣最少人留意,但其實影響很大,因為喉管如果同天花板太貼,就不是太多型號的分體機適合用.不少型號的分體冷氣都有規定由室內機至天花頂最少預留5-7.5CM)
5) 冷氣機室內至室外機的距離(每一款機其實都可能有最低(一般是水平3M)及最長(一般是水平12-15M)的距離限制[部份機另有垂直限制],唔夠長或太長的話,冷氣的雪種可能會唔岩份量(要額外加減),嚴重者更可能唔岩用部機.)
6) 特別功能 (有些冷氣機有偵測人體的功能,可以自動改變風向;又有些貴價型號有UV殺菌及不降溫抽濕等功能)
7) 是否需要搭棚(除非用窗口式分體機或纖巧型分體機,否則一般分體冷氣幾乎一定要搭棚. 即使用窗口式分體機或纖巧型分體機,亦要視乎室外機擺位. 注意安全,因為唔搭棚之下冷氣師父高空工作,出事的話隨時會上身.搭棚亦要按大廈管理處的要求申請.)

另外,依家多左機有暖氣功能,如果冬天有需要不妨考慮下. 冷氣機兼具的暖氣功能比一般暖爐慳電,而且運作範圍更闊.不過,暖氣機可能要裝底盤,以免滴水.

近年的冷氣機,特別是變頻型號,由於冷氣功率可以降至很低,容易出現內部零件發霉有味的情況. 建議關機前,最好將冷氣由COOL轉為FAN模式開最少半小時,待內部零件吹乾後才關機.

抽濕機

香港的春天及夏天潮濕日子很多,夏天可以用冷氣順便抽濕,但春天由於溫度偏低,用冷氣抽濕效果往往不佳. 另外購買抽濕機亦是一個好選擇. 買抽濕機,不妨留意抽濕機有沒有溫度及濕度顯示,會否有濕度目標功能. 乾衣模式亦是很有用.

如果居住地方較潮濕,例如香港的東部或離島/鄉村,最好購買抽濕能力較強的型號. 為免成日倒水,最好水箱較大.

抽濕機分為熱石式及壓縮式,前者不太受溫度影響,後者高溫下抽得更多. 考慮到慳電以及香港的氣候,其實熱石式係香港用途未必太大,不妨主力選擇壓縮式就可以了.

日常生活 – 工具篇

第一次發佈：2016年2月28日下午10:49
2019修訂: 2019年10月5日下午9:55

如果自已要負責家居打掃，就會發現為何家居每個角度都咁容易積塵。拖地之前，一般要先用掃把掃走塵埃，然後再用水濕毛地拖或膠地拖拖地。近年亦有些新式地拖可以既乾拖，又或者濕拖，更可以除塊布除下方便清洗，呢類新式地拖都幾好呢！

成日有人話應該用稀釋漂白水拖地，但我就覺得現時好多樓宇通風都不太理想，如果用稀釋漂白水，往往只會導致空氣中有濃烈的漂白水味。我自已就喜歡通風的日子才加入清潔劑拖地，平時就只用清水。

另外，自已買左自動除塵寶($399)來除塵，確實效果我覺得只是清除到頭髮及細塵，大型塵埃或其他物件就未必清除到。

此外,亦買左無線吸塵機,包了吸床的吸頭,潮濕的日子不想拖地就更適合了。

潮濕的日子除了想弄乾衣服要用抽濕機外，想保持室內乾爽（有時睇樓會見到有些屋苑單位天花發黑，懷疑是因為太潮濕發霉引致），抽濕機亦是很需要的。抽濕機分熱石式及壓縮機形式，係香港的環境下，熱石式只是春天初期較冷時發揮到較大效果(大約20度以下)，其餘天氣下，以壓縮機形式運作的抽濕機才能抽得最多水(特別是25度以上)。不過，關窗用抽濕機會令溫度上升，空氣不流通。所以，有些人會選擇在廁所用抽濕機弄乾衣服。不過如果主力用來咁做，不妨考慮下係廁所安裝浴室寶，起碼浴室寶除了抽濕還有增溫功能,沖涼唔駛咁凍。

一般現在買樓／租樓都會包埋冷氣機，風扇就多數要自備。鴻運扇一般係最易積塵同難以清洗。近年亦多左好多用USB驅動的風扇，有些更可用電池。要注意是這類風扇未必有完整的外殼保護，雖然已選用了柔軟的扇葉，但使用時仍要特別留意。

照明方面，現時新樓／舊樓仍使用多種不同的照明方式，包括燈膽/光管及內建LED等。燈膽的更換係最容易,一般已改為旋扭式,但要留意有多種不同的大小,顏色亦有分別(詳見維基百科). 制式亦漸漸由鎢絲燈泡轉為慳電膽再轉為LED燈膽,燈座調光不調光亦會有分別.更換時,除了睇下燈膽座的制式之外,亦要留意部份燈罩對燈泡有所要求(部份燈罩因為散熱問題,不容許太高能量要求的燈泡). 購買時,除制式要吻合,選購時可以從用電量,價錢,顏色準確度,壽命等去考慮. 

日常生活 – 運動篇

如果搬入新式屋苑，一般都會有住客會所可以玩一些運動。常見的屋苑內玩到的運動包括游水、桌球、保齡球、羽毛球等，視乎屋苑規模以定。選擇居所，有些朋友亦會考慮住客會所岩唔岩用。睇樓時可以問清楚經紀或者上手業主,管理處職員一般亦會樂意解答有關查詢.

如果位處新市鎮區，可能亦會有單車徑，可以踩下單車。一般來說，租單車分時租，半日租（可能約三至四小時）或全日（約七至八小時）。有些朋友細過無玩過，大過先想學，可以先去租有輔助輪的單車（但一般有輔助輪的單車其實較為費力及細架），感受下點樣踩單車直行轉彎，稍後才學平衡。

如果位於處海旁附近，不妨沿海濱長廊跑下步。現時多區的海濱長廊都延伸了很多，晚間好多朋友練跑，不過太夜(例如午夜前後)就不好了，即使是市區的鰂魚涌海旁，亦試過午夜後有仆頭搶劫事件。

如果不是搬入新式屋苑，政府各區都有公眾游泳池及運動場，可以游水同做各項運動。不過經驗係夏季游水往往是相當多人，做其他運動就睇下邊一種運動，假日有時真係好難BOOK到場用。

另外，如果住近山邊，好多時都會發現有行山徑可供行山。即使不是住在山邊，要前往香港四大行山徑，其實亦不是難事。如果初次行山或很久都無行，記緊要做足準備功夫，帶定足夠清水，夏日注意防曬，冬季記得帶外套。有關行山可以參考很多行山網站,例如Lawrence的遠足遊蹤