成功懷孕後
如果平時月經都好準時，當預期經期的日子來到仍無經期，就可以買驗孕棒檢查。不過其實又唔駛咁趕，因為即使你驗到有，係呢個時間其實超聲波檢查都未必睇到胚胎情況，可以等多一兩個星期。
如果去公立醫院分娩，可以先去睇家庭醫生取懷孕證明後（其實醫生呢個階段都係用驗孕棒，證實有懷孕就會寫紙，註明預產期），然後下載醫管局的預約通app 登記睇婦產科。請在APP內掃瞄懷孕證明，以及選擇邊區的醫院，幾日內就有人覆。公立醫院其實間間提供的檢查服務都有些唔同（因為資源不均），但有唔少都要由當區地址證明才可以登記。所以如果有不同區的住址證明，可以上網看看討論區其他孕婦的分享再決定登記邊間醫院啦！
如果平時月經都好準時，當預期經期的日子來到仍無經期，就可以買驗孕棒檢查。不過其實又唔駛咁趕，因為即使你驗到有，係呢個時間其實超聲波檢查都未必睇到胚胎情況，可以等多一兩個星期。
如果去公立醫院分娩，可以先去睇家庭醫生取懷孕證明後（其實醫生呢個階段都係用驗孕棒，證實有懷孕就會寫紙，註明預產期），然後下載醫管局的預約通app 登記睇婦產科。請在APP內掃瞄懷孕證明，以及選擇邊區的醫院，幾日內就有人覆。公立醫院其實間間提供的檢查服務都有些唔同（因為資源不均），但有唔少都要由當區地址證明才可以登記。所以如果有不同區的住址證明，可以上網看看討論區其他孕婦的分享再決定登記邊間醫院啦！
如果想私家生的話，亦可同時登記公立醫院先，以免因緊急情況入院，公立醫院唔知妳的情況。
預產期係計上一次月經第一天開始起計280天，因此當妳發現月經未到而用驗孕棒檢查到懷孕，這時已經係當懷孕第4週（假設週期係28日)。
第一次產前檢查
無論是否在公立醫院分娩，都強烈建議在上一次經期第一天後約6-8週先去睇私家婦產科醫生，能經陰道照超聲波探測到胎兒的心跳（俗稱照閃閃），以及胎兒的數量，可以叫埋另一半一齊去睇。第一次照到閃閃的感冒真係好amazing！初次感受到另一生命的生成！如果想經肚皮照超聲波，一般稍遲要8-10 星期才得。如果9-10 星期仍未有心跳，建議儘快睇多個醫生，睇下係咪胚胎有問題，如果係就要儘快安排人工流產，以免影響媽媽。
另外，多胞胎懷孕更要記緊照完超聲波要留下相片紀錄，因為這個時間照超聲波能清楚紀錄胎兒是否共用羊膜或胎盤，如果分開胎盤和羊膜，一般會較安全，有機會係同卵（同一個卵子）或異卵（兩個不同卵子），基因或會不同。如果共用的話，懷孕過程會較危險，但會係同卵同性別，基因大致一樣。
[溫馨提示：
１）部份私家婦產科醫生只做產檢，不做接生；
２）並非全部私家婦產科醫生都能安排各種檢查，有時可能要看多幾個才做齊各項檢查；
３）如果睇完私家醫生知道是多胞胎，請儘快通知公立醫院（如已預約）／或到公立醫院排期，因為公立醫院會為多胞胎提供更詳細及頻密的檢查，私家醫院一般亦較少接納孖胎或以上預約分娩，除非已過左34週。
４）一般照到胎兒心跳前後就開始孕婦身體會有反應，例如厭食等，情況因人而異。其實首12星期，胎兒不須在母體吸收什麼養份，厭食或嘔吐在這個時間對胎兒影響有限。一般建議成功懷孕後儘快食葉酸。］
染色體問題檢查—唐氏綜合症篩查/T21/抽羊水
政府產科檢查一般都係免費，一般會安排12星期第一次做登記/見護士/醫生，要填報家族有無遺傳病或長期病（如有家族遺傳／長期病問題，或會有跟進的檢查），除左量體重，血壓，心跳，身高外，會安排抽血以及問埋做唔做埋唐氏綜合症篩查Oscar，
呢個篩查單胎懷孕準確度約90%,
多胎就準確度相當低，但做的話會包埋第一次超聲波檢查（政府好少做超聲波檢查，有些醫院除了這次之外，就要等臨出生才會做另一次）。
由於準確度低，好多時政府醫院都會建議你去私家診所做T21 檢查（又或者其他公司的相若檢查如nifty pro, Pandora etc), 私家醫生會收數千元做T21 檢查，一般會照一次超聲波，然後抽血，等幾日至數星期就有結果。這類T21檢查，大約10-12週可以做，對於唐氏綜合症檢測準確度達99%, 但網上討論區亦有唔少媽媽中左false positive, 即係明明無事，但T21報告話有事。 綜合網上說法，好多時都係因為bb 的胎盤細胞有問題，但bb 本身無事，由於T21 檢測媽媽體內血液胎盤的細胞，因此出現錯誤結果。要覆核T21是否準確，抽羊水才是最準確的方法。除左唐氏綜合症外，T21 檢測亦可檢查到其他染色體問題，但準確度就可能低得多。另外，一般情況下T21 性別檢查的結果相當準確，有時超聲波檢查未見到胎兒生殖器官就可以睇T21 報告知道bb 性別。
由於準確度低，好多時政府醫院都會建議你去私家診所做T21 檢查（又或者其他公司的相若檢查如nifty pro, Pandora etc), 私家醫生會收數千元做T21 檢查，一般會照一次超聲波，然後抽血，等幾日至數星期就有結果。這類T21檢查，大約10-12週可以做，對於唐氏綜合症檢測準確度達99%, 但網上討論區亦有唔少媽媽中左false positive, 即係明明無事，但T21報告話有事。 綜合網上說法，好多時都係因為bb 的胎盤細胞有問題，但bb 本身無事，由於T21 檢測媽媽體內血液胎盤的細胞，因此出現錯誤結果。要覆核T21是否準確，抽羊水才是最準確的方法。除左唐氏綜合症外，T21 檢測亦可檢查到其他染色體問題，但準確度就可能低得多。另外，一般情況下T21 性別檢查的結果相當準確，有時超聲波檢查未見到胎兒生殖器官就可以睇T21 報告知道bb 性別。
此外，多胞胎的話T21 檢查需要最少12週才可以做, 如果嬰兒細胞濃度不足或許要再抽血。
T21 類的檢查對多胞胎準確度會較低，檢查項目較少，收費較高，而且如果檢查到有事，都唔知會係邊個bb 有問題，只有抽羊水才知邊個出事。多胞胎性別T21檢查往往只能檢查到最否有男性胎兒，但實際有多少個男性就不是間間能檢查到。
T21 類的檢查對多胞胎準確度會較低，檢查項目較少，收費較高，而且如果檢查到有事，都唔知會係邊個bb 有問題，只有抽羊水才知邊個出事。多胞胎性別T21檢查往往只能檢查到最否有男性胎兒，但實際有多少個男性就不是間間能檢查到。
如果oscar
或T21 報告顯示出問題，可以抽bb
羊水去確認（另外還可以做抽胎盤細胞或臍帶，但較少人做）。抽羊水係有0.1%流產風險，大約是16-20週做，醫生會先做超聲波檢查，確認羊水量足夠後同bb
位置合適後，就會對孕婦肚皮進行消毒，然後睇住超聲波插針抽胎兒的羊水出來做檢查，呢項測試準確度接近100%.
政府包傳統染色體檢查，要三星期才有結果，而且檢查到的問題較少。加錢（大約$5000)可以做埋基因晶片檢查，有唔少傳統染色體檢查不到的問題都可以檢查到，大約一星期就有報告拎。另外，如果有其他遺傳病，例如地中海貧血，羊水檢查大約要兩星期才有報告。
由於基因測試係近年才有的新事物，有些異常可能對爸媽都無害但文獻無紀錄，但都被偵測到，因此如果做晶片測試會要埋爸爸媽媽抽血檢查。有時更可能發現爸媽本身都有病，因此做檢查前會問爸媽究竟想唔想知自己有問題。
如果抽羊水後最終確診有染色體問題，醫生或許會建議中止懷孕（需要24週前)或減胎（適用於多胞胎），亦有可能因為問題不大交由父母決定（例如一些性染色體問題，對胎兒成長未必有很大影響，主要可能影響胎兒將來的生育能力。）
如果抽羊水後最終確診有染色體問題，醫生或許會建議中止懷孕（需要24週前)或減胎（適用於多胞胎），亦有可能因為問題不大交由父母決定（例如一些性染色體問題，對胎兒成長未必有很大影響，主要可能影響胎兒將來的生育能力。）
跟進檢查
公立醫院如果第一次檢查覺得妳係低風險個案，就會轉介你去衛生署的就近母嬰健康院覆診。否則，就會繼續係公立醫院覆診（一般係高齡，多胞胎或有遺傳問題就會被定為高危個案）。每次覆診都需要驗尿同量體重/血壓/心跳。
第一次檢查時，可以叫醫生寫紙轉介報產前運動班，又或者睇物理治療訂做托腹帶，亦可以去報產前講產聽下。孕婦亦可以問醫生拎綜合維他命，一般都係派惠氏materna 食（網上討論區有唔少孕婦分享食完便秘，建議食多些通便食物）。一般飲媽媽奶粉就唔駛食綜合維他命，以免過量。
姑娘提醒即使早幾年生過bb, 由於時代唔同，好值得再聽下依家d 講座，好多做法都改左。
糖水耐量測試
公立醫院如果係低危個案，一般會安排孕婦係28
週做呢個測試。高危個案就可能加多一次係大約16週做。 首先，當日12:00 開始唔准食野，早上去到醫院，抽血，然後飲帶有75g
糖的糖水，之後等兩小時再抽血，跟著就完成。
中間的空檔時間，醫院會安排小組座談會，俾孕婦們傾下懷孕同育嬰心得。如果測試結果有問題，就會被醫院call
返去住一日院，見營養師改善飲食習慣，避免妊娠糖尿病（現在醫院唔鼓勵孕婦食太多，因為bb
生長得太大，孕婦負擔太大，順產會更辛苦甚至不可能，亦對bb 將來發展不好）
結構性超聲波
部分公立醫院會安排所有孕婦結構性超聲波檢查（大約18-22週做），部分就只安排俾高危個案。這項檢查非常值得做，但私家婦產科唔係個個都做，因為隨時要做成個鐘，而要檢查的項目實在太多，主要的器官都會用超聲波睇清楚有無問題，而且收費相當貴一般都要數千元。不過私家醫生有些會將相片燒錄dvd
留為紀念，有些更會有3d/4d 超聲波可以睇到bb 的立體一面同埋動作。
沒有留言:
張貼留言