香港在第五波COVID-19 疫情高峰之後,終於可以開返學
遊樂場開返,可以恢復返外出用餐.不過夏天天氣異常酷熱,天晴時就難以享受戶外活動身體動作
大肌肉
兩歲半之後,孖B的步行能力都進一步好左
可以安排佢地外出活動一個上午而無須要特別中間安排坐低
阿仔識跑步多左,原地跳有幾CM高,向前跳同向下跳就未得
阿女間中仍會跌下,行路有時好快,但仍然未識跳,不過多左向上靠腳指尖企高
阿仔開始可以穿插樓梯扶手玩
阿女開始學識用左邊扶手慢慢上樓梯,右邊扶手上樓梯以及落樓梯就差一些,唔用扶手就開始學
物理治療評估中,發現阿女識得扶住之下沿平衡木行,左右好似蟹咁橫行就差一些
小肌肉
阿仔主動拎大人筷子學黎用,佢間中可以夾到一些大件的東西,亦可以當叉用
阿女不斷培訓下，用餐具好左,同埋疊到幾層積木同幾塊積木打橫行
阿女由於訓練時成日玩搖晃活動,所以去到公園玩鞦韆完全樂於其中
阿仔反而見到鞦韆就好驚
阿女初時玩滑梯相當玩得危險,不懂用扶手.後來慢慢懂得用扶手玩.加埋佢識行上樓梯,可以俾佢玩多一些(不過要天氣許可才可以)
健康情況
復課後有一天,婆婆話見到孖B有同學流鼻水在家休息一天後返學,結果孖B相繼流鼻水(一兩日)同短暫發燒(幾個小時),大人亦中埋招,但明顯大人發病情況嚴重好多(流鼻水多日或唔舒服成個星期,又或者咳左幾日)
阿女濕疹時好時壞,不過都大致控制到
體重阿女超過左阿仔,身高就相若
與人互動
聆聽指令
阿女唔專心問題開始日益明顯,因為佢有心機時明顯聽得唔錯,但無心機時真係好唔專心
阿仔就八卦型,好留心人地講乜,不過聽唔聽就另一回事
講野能力
阿仔
成日重覆大人講的句子.開始學認一些簡單中文字
英文字母慢慢學
數字就學到20以上
阿女
多左用語言表達,不過仍然有好多聽唔明的時間
思考能力
兩個都認得一些標誌,例如大家樂或麥當勞
阿仔對於一些常見圖形,例如三角形,心形等; 又或者概念,如大小,多少,前後,分類,顏色都好熟悉
阿女就唔係太理解這些概念
睡眠及休息
一般係一次日間訓覺，有時外出回家時在巴士上訓左就唔駛再回家後訓午覺。
飲食
阿仔有時會有d性格唔肯識某d野
阿女就繼續好多野都食
清潔
阿仔戒日片情況較好,除左午睡同飲湯後,大致上都戒到
阿女就間中識講,但仍時常無講俾人知
