初時講野未係好清楚時，兩個都會作d 容易讀的名去抽述一些物件，例如見到床上的被有樹圖案就叫樹樹被，見到條褲有魚圖案就叫魚魚褲。阿仔去言語治療評估先知原來標準係咁深，雖然阿仔識的詞語數量ok, 但點形容d 事情方面，有時係屋企大人都無講野咁清楚，自然小朋友都未必學到。例如點樣形容d 野放係櫃頂，點樣應該動物同人做緊某一樣野。
阿女開始多左講其他同學d 野，佢講其他人d 八卦非常清楚，但一講自已，特別是感受方面就麻麻地。佢去到近四歲先開始分得清楚今日同尋日發生的事情，唔再溝埋一齊講。
去到遊樂場，初時一個有d 驚玩韆鞦，一個就驚玩高滑梯，慢慢兩個都學識玩。阿女行樓梯終於好左，不過未識跳樓梯。
阿仔學校開始玩有輔助輪單車，同埋識掌上壓同倒後行。
孖b 中COVID-19 係全家病徵最輕的，大約燒得比較高兩日就退燒，鼻水同咳都唔係好嚴重。反而阿仔中RSV 就發高燒同咳得好勁。
今年開始兩個開始識得一齊玩玩具，雖然經常都係爭搶。阿仔開始識得用lego 砌唔同的野，例如一架車或飛機，阿女就開始懂得疊高d lego. 阿仔近四歲開始識得畫圖形同用lego 砌圖形，阿女就識得用積木疊高或直線。
兩個亦都開始戒日片。夜片就多次嘗試。
阿仔K2 開學就開始寫字，亦開始畫到圖形。
阿女就終於match 到大階英文係英文字母板，不過偶然仍會左右上下唔識倒轉放唔到入塊板。阿女第二年開始要認字，佢認中文字又唔算太差。
阿女終於刷牙開始漱口，第二年特殊學校亦要佢學扣扭／穿襪，佢學左好耐先慢慢識
