Run-down與司儀講稿

呢D野相信很容易就可以找到朋友分享，再唔係在網上找樣版亦唔係難(生活易網站有很多)。不過，要留意樣版始終是參考之用，最重要係究竟適唔適合用要好睇新郎及新娘的風格。大家都唔想個個婚宴都係一樣的安排吧？因此最好婚禮當日前能找司儀傾下，睇下有無什麼修改的空間。

不過更重要係留意雙方父母會唔會好介意婚宴上的言詞（例如喜歡說笑還是嚴肅，新潮定舊式傳統），佢地想唔想上台講野。我地曾經去過一些婚宴，新郎基本上唔食野，全程不斷係咁講野，周圍找人分享感受講恭賀說話，搞到司儀要叫停佢，唔係就都唔知點上菜；又有人的阿爸上台舒發感受，由點解要生個新郎開始講起，話生佢出來好感動，又分享新郎兒時往時，點樣辛苦的養育佢，令到高薪請來的明星司儀都無乜發揮空間。